कोल्हापूर : प्रत्येक महिन्याच्या तिस-या सोमवारी तालुका लोकशाही दिन साजरा करण्यात येत आहे. या दिवशी नागरिकांना त्यांच्या विविध शासकीय तक्रारी, मागण्या व अडचणी संबंधित प्रशासकीय अधिकाऱ्यांसमोर मांडण्याची संधी मिळते. याअनुषंगाने तालुका प्रशासनामार्फत महिन्याच्या तिस-या सोमवारी, दिनांक 18 ऑगस्ट 2025 रोजी सकाळी 11 वाजता तहसील कार्यालय, भुदरगड येथे लोकशाही दिन आयोजित करण्यात आला असून नागरिकांनी आपल्या शासकीय कामकाजासंबंधी तक्रारी लेखी स्वरुपात दोन प्रतीत सादर कराव्यात, असे आवाहन भुदरगडच्या तहसिलदार डॉ. अर्चना पाटील यांनी केले आहे.

 सर्वसामान्य नागरिक, विविध सामाजिक संस्था व ग्रामस्थांनी या उपक्रमात सक्रिय सहभाग घ्यावा. जेणेकरुन त्यांच्या समस्या थेट प्रशासनामार्फत पोहोचून वेळेत निवारण होऊ शकेल. शासनाचा हा उपक्रम पारदर्शकता, उत्तरदायित्व आणि लोकसहभाग वाढवण्यासाठी राबविण्यात येत आहे, असेही डॉ. अर्चना पाटील यांनी पत्रकाव्दारे कळविले आहे.