नवी दिल्ली. अ‍ॅक्सिओम-४ मिशन यशस्वीरित्या प्रक्षेपित झाले आहे. फाल्कन रॉकेटने अवकाशात यशस्वीरित्या उड्डाण केले आहे. शुभांशू शुक्ला हे भारतातील मिशन क्रूचा भाग आहेत. या मोहिमेत अनेक देशांनी भाग घेतला आहे.

भारतीय हवाई दलाचे ग्रुप कॅप्टन आणि अंतराळवीर शुभांशू शुक्ला हे अंतराळात जाणारे दुसरे भारतीय आहेत. यापूर्वी १९८४ मध्ये अंतराळवीर राकेश शर्मा यांनी अंतराळात प्रवास केला होता. 

आयएएफ ग्रुप कॅप्टन आणि अंतराळवीर शुभांशू शुक्ला यांची बहीण निधी मिश्रा म्हणाल्या, "हा केवळ माझ्यासाठीच नाही तर भारतातील प्रत्येकासाठी अभिमानाचा क्षण आहे. मी ते शब्दात मांडू शकत नाही; मला फक्त एवढेच म्हणायचे आहे की, 'शुभांशू, तुझे ध्येय यशस्वी होवो आणि तू आमच्याकडे सुरक्षित परत येवो.'" दरम्यान शुभंशु शुक्ला यांचे आई वडील ही या प्रसंगी भाऊक झालेले पहावयास मिळाले.

या मोहिमेत चार अंतराळवीर सहभागी होत आहेत. भारतीय अंतराळ संशोधन संस्थेचे (इस्रो) अंतराळवीर शुभांशू शुक्ला हे या मोहिमेचे पायलट असतील. या मोहिमेचे नेतृत्व नासाचे माजी अंतराळवीर आणि अ‍ॅक्सिओम स्पेसच्या मानवी अंतराळ उड्डाण संचालक पेगी व्हिट्सन करतील. याशिवाय युरोपियन अंतराळ संस्थेचे प्रकल्प अंतराळवीर स्लावोज उजनांस्की-विस्निव्स्की (पोलंड) आणि हंगेरियन अंतराळवीर टिबोर कापू हे मिशन तज्ञ म्हणून सामील होतील. हे चार अंतराळवीर एकत्रितपणे आंतरराष्ट्रीय अंतराळ स्थानकावर अनेक वैज्ञानिक प्रयोग करतील.