▪️ज्येष्ठ पत्रकार नाना पालकर यांना कोल्हापूर प्रेस क्लबकडून वाहण्यात आली श्रद्धांजली....

कोल्हापूर  :  ज्येष्ठ पत्रकार नाना पालकर यांच्या निधनामुळे , पत्रकारितेतील रोखठोक व्यक्तिमत्व हरपले आहे.  त्यांच्या निधनाने कोल्हापूरच्या पत्रकारिता क्षेत्रात न भरून येणारी पोकळी निर्माण झाली आहे. अशा शब्दात, कोल्हापूर प्रेस क्लब येथे झालेल्या शोक सभेत नाना पालकर यांना श्रद्धांजली वाहिली.  

कोल्हापुरातील ज्येष्ठ पत्रकार नाना पालकर यांचं नुकतचं निधन झालं, त्यांच्या निधनाने पत्रकारीतेतील ऋषीतुल्य व्यक्तिमत्व हरपले अशा भावना, आज गुरुवारी झालेल्या शोक सभेमध्ये व्यक्त करण्यात आल्या.  कोल्हापुरातील पत्रकारांची मातृ संस्था असलेल्या कोल्हापूर प्रेस क्लबकडून आज प्रेस क्लब कार्यालयात शोकसभेचे आयोजन करण्यात आलं होते. यावेळी पत्रकारितेतील अनेक मान्यवरांनी पालकर यांच्या आठवणींना उजाळा दिला. नाना पालकर यांच्या निधनाने कोल्हापूरच्या पत्रकारिता क्षेत्रात न भरून येणारी पोकळी निर्माण झाली आहे. अशा शब्दात  कोल्हापूर प्रेस क्लबचेे अध्यक्ष शीतल धनवडे यांनी आपल्या भावना व्यक्त केल्या.

 ज्येष्ठ पत्रकार नंदकुमार ओतारी यांनी, पत्रकारितेतील नानांचे काही धडाडीचे किस्से व्यक्त करताना,महिनाभरापुर्वी त्यांनी स्वतःच्या मृत्युची बातमी लिहिण्यासाठी बायोडाटा पाठविल्याची माहिती देताच सर्वांना गहिवरून आले.

नाना पालकर यांनी त्यांच्या काळात नवोदित पत्रकारांना पत्रकारितेचे धडे दिले, याचा आता आम्हाला चांगला फायदा होत आहे, सर्वांना सोबत घेऊन पुढे जाण्याचा पालकर यांचा दृष्टिकोन वाखण्याजोगा होता. अगदी शेवटच्या क्षणापर्यंत समाजाला काही चांगलं देण्याचा प्रयत्न कायमच ज्येष्ठ पत्रकार नाना पालकर यांनी केल्याच ओतारी यांनी सांगितल. 

यावेळी जेष्ठ पत्रकार उदय कुलकर्णी, निवास चौगुले, भारत चव्हाण, विजय पोवार, समीर मुजावर यांच्या सह पत्रकार उपस्थित होते.