कोल्हापूर : येथील इलेक्ट्रिकल सेल्स एम्प्लॉईज वेलफेअर असोसिएशन तर्फे आयोजित एक सामाजिक बांधिलकी जोपासणारा उपक्रम वृक्षारोपण तपोवन मैदान येथे आज रविवारी पार पडला. या उपक्रमाचे हे तिसरे वर्ष आहे. आजच्या उपक्रमामध्ये ज्या वृक्षांचे रोपण करण्यात आले आहे त्या वृक्षांचे संगोपन तपोवन मैदान परिसरातील जेष्ठ नागरिक संघ आणि क्रिकेट प्रेमी करणार आहेत. त्यांनी वृक्ष संगोपनाच जबाबदारी घेतली आहे. 

भर पावसात वृक्षारोपणासाठी खड्डे खणून वृक्षांना काठीचा आधार देऊन वृक्षारोपण पार पडले. यावेळी निसर्गाशी समरूप होईल असे वृक्ष लावण्यात आले. वड , पिंपळ, निलगिरी, जांभूळ, चिंच, कदंब, अशी विविध 35 रोपांचे लागवड करण्यात आले. 

वृक्षारोपण उपक्रमासाठी सदस्यकडून उत्स्फूर्त असा प्रतिसाद मिळाला. ई-सेवा तर्फे यापूर्वी शेंडा पार्क , साळुंखे पार्क या ठिकाणी वृक्षारोपण करण्यासाठी आले होते.