नवी दिल्ली : भारतीय महिला कुस्तीपटू विनेश फोगाट हिने सोशल मीडियावर पोस्ट करत निवृत्ती जाहीर केली आहे. त्याच्या एका दिवसापूर्वीच वाढलेल्या वजनामुळे त्याला पॅरिस ऑलिम्पिक 2024 साठी अपात्र घोषित करण्यात आले होते.
ऑलिम्पिक फायनलसाठी पात्र ठरणारी ती पहिली भारतीय महिला कुस्तीपटू होती. मात्र अचानक घटनाक्रम बदलला आणि सुवर्ण जिंकण्याचे स्वप्न पाहणाऱ्या विनेशला अपात्र ठरवण्यात आले आणि त्यानंतर तिने कुस्तीला अलविदा केला.
विनेश फोगाटने मंगळवारी ५० किलो वजनी गटात तीन सामने खेळले. तिने प्री-क्वार्टर फायनलमध्ये टोकियो ऑलिम्पिक चॅम्पियन युई सुसाकीचा पराभव केला. तिने उपांत्यपूर्व फेरीत युक्रेनच्या महिला कुस्तीपटूचा आणि उपांत्य फेरीत क्युबाच्या कुस्तीपटूचा पराभव केला होता.