कोल्हापूर  : काळम्मावाडी योजनेचा 4 था पंप दुरुस्ती व नियमित देखभाल दुरुस्तीचे काम करण्यात येणार आहे. हे काम सोमवार व मंगळवार, दि. 13 व 14 ऑक्टोंबर 2025 रोजी हाती घेण्यात येणार आहे. या कालावधीमध्ये साळोखेनगर 1100 मी.मी.मुख्य वितरणनलिकेवरील व्हॉल्व बसविण्याचे कामही हाती घेण्यात येणार आहे. त्यामुळे या योजनेवरील अवलंबून असणा-या संपूर्ण कोल्हापूर शहर व सलग्नीत उपनगरे आणि ग्रामिण भागातील नागरिकांना दैनंदिन होणारा पाणी पुरवठा होऊ शकणार नाही. तसेच बुधवार, दि.15 ऑक्टोंबर 2025 रोजी होणारा पाणी पुरवठा अपुरा व कमी दाबाने होईल. त्याचप्रमाणे बालिंगा योजनेवर अवलंबून असणा-या सी, डी वॉर्ड व शिंगणापूर येथून कसबा बावडा फिल्टरकडून कसबा बावडा, ताराबाई पार्क व कावळा नाका परिसरातील नागरीकांचा पाणी पुरवठा सुरू राहणार आहे.

   यामध्ये संपुर्ण ए,बी वॉर्डातील पुईखडी, कलिकते नगर, सुलोचना पार्क, इंगवले कॉलनी, नाना पाटीलनगर, जिवबा नाना, बापूरामनगर, साळोखेनगर, राजीव गांधी वसाहत, कात्याणी कॉम्ल्पलेस, तपोवन, देवकर पाणंद, मोरे मानेनगर, संभाजीनगर स्टँड, नाळे कॉलनी, रामानंदनगर, बालाजी पार्क, शाहू कॉलनी, सासणे कॉलनी, रायगड कॉलनी, जरगनगर, सुभाषनगर, शेंडापार्क, आर.के.नगर, भारती विद्यापीठ, म्हाडा कॉलनी, संभाजीनगर, गंजीमाळ, शिवाजी पेठ, मंगळवार पेठ, पोतणीस बोळ, मंगेशकर नगर, बेलबाग, महालक्ष्मीनगर, सरनाईक वसाहत, तिकोणे गॅरेज, नेहरूनगर, वाय.पी.पोवार नगर, जवाहर नगर, संपूर्ण राजारामपुरी, शाहू मिल परिसर, शाहुमिल कॉलनी, वैभव हौसिंग सोसायटी, ग्रीनपार्क, शांतीनिकेतन, रेव्हेन्यु कॉलनी, अरूणोदय, राजेंद्रनगर, चौगुले हायस्कुल, सम्राटनगर, प्रतिभानगर, इंगळेनगर, दौलतनगर उद्यमनगर, शास्त्रीनगर, पांजरपोळ, नवश्या मारूती चौक, दत्तगल्ली, यादवनगर, कामगार चाळ, पंत मंदीर, जगदाळे कॉलनी, महावीरनगर, अश्विनीनगर, जागृतीनगर, पायमल वसाहत, अंबाई डीफेन्स, राजाराम रायफल, काटकरमाळ, साईक्स एक्सेटेंशन व  शाहुपूरी 1  ली ते 4 थी गल्ली इत्यादी भागामध्ये होणारा दैनंदिन पाणी पुरवठा होऊ शकणार नाही. या भागातील नागरिकांना दैनंदिन पिण्याचे पाणी पुरवठा होण्याच्या दृष्टीने महानगरपालिकेकडील उपलब्ध टँकरव्दारे पिण्याचे पाणी पुरवठा करण्याचे नियोजन केले आहे.

    तरी या भागातील नागरिकांनी उपलब्ध होणारे पाणी काटकसरीने वापरून महानगरपालिकेस सहकार्य करावे असे आवाहन महापालिकेच्या पाणीपुरवठा विभागाच्यावतीने करण्यात आले आहे.