वारणानगर : तात्यासाहेब कोरे स्वायत्त अभियांत्रिकी महाविद्यालयातील इलेक्ट्रोनिक्स अँड टेलीकम्युनिकेशन इंजिनिअरिंग विभागातील विद्यार्थ्यांचे शैक्षणिक वर्ष २०१९-२० ते २०२४-२५ असे सलग सहा वर्षे विविध बहुराष्ट्रीय कंपनीमधे १०० टक्के प्लेसमेंट झाले.

२०२४-२५ या शैक्षणिक वर्षांमध्ये पल्लवी गायकवाड हिला पायनोमियल टेक्नॉलॉजी पुणे या कंपनीचे सर्वाधिक सात लाख अकरा हजरांचे पॅकेज मिळाले. विभागातील विद्यार्थ्यांना सरासरी तीन लाखांचे पॅकेज मिळाले.

विद्यार्थ्यांचे पायनॉमिअल टेक्नॉलॉजी पुणे, मित्सुबिशी इलेक्ट्रिक, टिचनुक बेंगलोर, इन्फोसिस, गेम क्लाऊड टेक्नॉलॉजी, सिंध टेक्नॉलॉजी, क्यूस्पाईडर पुणे, फाईन आर्क सिस्टम प्रा. लि. पुणे,किरण अकॅडमी पुणे, पी.एच.एन टेक्नोलॉजी, क्रेस्ट टेस्ट सिस्टम, प्रा. लि. पुणे, आयटीप्रेन्युअर या व इतर बहुराष्ट्रीय कंपन्यात निवड झाली.

या वेळी संस्थेचे अध्यक्ष डॉ. विनय कोरे यांनी सर्व यशस्वी विद्यार्थ्यांचे अभिनंदन केले व आपल्या ज्ञानाचा व तंत्रज्ञानाचा उपयोग विद्यार्थ्यांनी समाजाच्या प्रगतीसाठी करावा असा मौलिक सल्ला दिला. संस्थेचे मुख्य कार्यकारी अधिकारी डॉ विलास कारजिन्नी, अधिष्ठाता,डॉ एस. एम. पिसे ,प्राचार्य डॉ. डी. एन माने,  ट्रेनिंग अँड प्लेसमेंट सेलचे प्रमुख प्रा. पी. जे  पाटील व सहयोगी ट्रेनिंग अँड प्लेसमेंट ऑफिसर प्रा. आर. सी. शिक्केरी, ई अँड टी सी विभाग प्रमुख डॉ. एस. टी. जाधव , विभागाचे ट्रेनिंग अँड प्लेसमेंट समन्वयक प्रा. एस. एच. मोरे, विभागातील सर्व प्राध्यापक व  कर्मचारी या सगळ्यांचे सहकार्य लाभले व प्लेसमेंट साठी योग्य नियोजन केले, यासाठी विद्यार्थी प्रतिनीधी वैष्णवी अडनाईक हीचे मोलाचे सहकार्य लाभले.