कोल्हापूर: चोरीच्या 15 मोटर सायकलींसह एकूण 10,25,000/- रुपये किंमतीचा मुद्देमाल जप्त करण्यात आला. याप्रकरणी एका सराईत मोटर सायकल चोरटयास अटक करण्यात आली तर चौकशीमध्ये मोटर सायकल चोरीचे 10 गुन्हे उघडकीस आले आहेत ही कारवाई स्थानिक गुन्हे अन्वेषण शाखेने केली.  

तपास पथकामार्फत मोटर सायकल चोरीच्या गुन्हयांचा समांतर तपास सुरु असताना पथकातील पोलीस अंमलदार प्रविण पाटील, दिपक घोरपडे, सत्यजित तानुगडे यांना रेकॉर्डवरील गुन्हेगार अक्षय शेलार याने त्याचे साथीदारांसह कोल्हापूर जिल्हयात तसेच राजापूर व कुडाळ येथून मोटर सायकली चोरी केल्या असून तो शाहु टोल नाका परिसरात आहे अशी गोपनीय माहिती प्राप्त झाली.

त्या अनुषंगाने पोलीस उप निरीक्षक शेष मोरे व त्यांचे पथकाने शाहु टोल नाका परिसरात सापळा लावून आरोपी नामे अक्षय राजू शेलार वय 25, मुळ रा. भगतसिंग चौक, आक्सा मशीद समोर, लिगाडे मळा, जवाहरनगर, इचलकरंजी सध्या रा. हॉटेल स्वागत, राशीन, ता. कर्जत, जि. अहिल्यानगर यास ताब्यात घेतले. तेव्हा त्याचे कब्ज्यात मिळून आलेली बुलेट मोटर सायकल वडगांव पोलीस ठाणे गुरनं. 442/2025 भा. न्या. सं. क. 303(2) मधील असल्याने ती जप्त केली.

त्यानंतर  आरोपीकडे  तपास केला असता त्याने त्याचा साथीदार विजय गुरव रा. शिरगांव, ता. शाहूवाडी, जि. कोल्हापूर याचेसह पन्हाळा, शाहुवाडी, इचलकरंजी, जयसिंगपूर, गडहिंग्लज तसेच राजापूर, जि. रत्नागिरी व कुडाळ, जि. सिधुदुर्ग येथून वेगवेगळ्या मोटर सायकली चोरी केल्या असलेची कबूली दिलेने त्याचेकडून एकूण चोरीच्या 15 मोटर सायकली कायदेशीर प्रक्रियेने हस्तगत केलेल्या आहेत. सदर कारवाईत पुढीलप्रमाणे मोटर सायकल चोरीचे 10 गुन्हे उघडकीस आलेले आहेत.

वरील मोटर सायकली आरोपी अक्षय शेलार याने म्हसोबा माळ, गोकुळ शिरगांव येथील कौतुक शंकर कुडेकर याचे घरासमोर गेटच्या आतमध्ये लावलेल्या होत्या. त्याचा साथीदार विजय मधूकर गुरव रा. शिरगांव, ता. शाहुवाडी, जि. कोल्हापूर याचा शोध घेण्याचे काम सुरु आहे.

सदरची कारवाई  पोलीस अधीक्षक,  योगेश कुमार गुप्ता, अपर पोलीस अधीक्षक, बी. धीरजकुमार यांचे मार्गदर्शनाखाली स्थानिक गुन्हे अन्वेषण शाखेचे पोलीस निरीक्षक  रविंद्र कळमकर, शहापूर पोलीस ठाणेचे पोलीस निरीक्षक  सचिन सुर्यवंशी, पोलीस उपनिरीक्षक  शेष मोरे, अतिश म्हेत्रे तसेच पोलीस अंमलदार प्रविण पाटील, दिपक घोरपडे, सत्यजित तानुगडे, नवनाथ कदम, अमित सर्जे, संजय हुंबे, राजेद्र वरंडेकर, सुशील पाटील, हंबीरराव अतिग्रे, सतिश सुर्यवंशी, प्रदिप पाटील, सागर चौगले वडगाव पोलीस ठाणेचे आसिफ कलायगार, शहापूर पोलीस ठाणेचे आयुब गडकरी, रोहित डावाळे, शशी ढोणे, सायबर पोलीस ठाणेचे राजेंद्र ताटे, सुरेश राठोड, अमर वासुदेव, सचिन बेडखळे यांचे पथकाने केलेली आहे.