नवी दिल्ली : दिल्ली विधानसभा निवडणुकीपूर्वी माजी मुख्यमंत्री अरविंद केजरीवाल आणि माजी उपमुख्यमंत्री मनीष सिसोदिया यांच्यातील तणाव वाढला आहे.  दारू घोटाळ्यातील मनी लाँड्रिंगमध्ये कथित सहभागासाठी अरविंद केजरीवाल आणि मनीष सिसोदिया यांच्यावर मनी लाँड्रिंग प्रतिबंधक कायद्याअंतर्गत (पीएमएलए) खटला चालवण्यासाठी ईडीला केंद्रीय गृह मंत्रालयाकडून मंजुरी मिळाली आहे.  यापूर्वी एलजीने एजन्सीला मान्यता दिली होती

सीबीआयने अरविंद केजरीवाल आणि मनीष सिसोदिया यांच्यावर मनी लाँड्रिंग प्रतिबंधक कायद्याअंतर्गत (पीएमएलए) खटला चालवण्यास मान्यता दिली आहे.  वृत्तसंस्था एएनआयने बुधवारी त्यांच्या सूत्रांचा हवाला देऊन ही माहिती दिली.

गेल्या महिन्यात उपराज्यपाल विनय कुमार सक्सेना यांनी केजरीवाल यांच्यावर खटला चालवण्याची परवानगी एजन्सीला दिली होती.  उत्पादन शुल्क धोरणाशी संबंधित एका समांतर भ्रष्टाचार प्रकरणात केजरीवाल यांच्याविरुद्ध अशीच कारवाई करण्यासाठी सीबीआयला ऑगस्ट २०२४ मध्ये मंजुरी मिळाली होती. जामिनावर बाहेर असलेल्या केजरीवाल यांना ईडीने २१ मार्च २०२४ रोजी पीएमएलए अंतर्गत अटक केली आणि १७ मे रोजी आरोपपत्रात त्यांचे नाव समाविष्ट केले होते.