कोल्हापूर : राष्ट्रीय कुष्ठरोग निर्मुलन कार्यक्रमांतर्गत जिल्ह्यात कुष्ठमुक्त सुरक्षित महाराष्ट्र (कुसुम) शोध मोहीमेची सुरुवात झाली असून ही मोहीम 30 जानेवारी ते 13 फेब्रुवारी या पंधरवड्यात राबिवण्यात येत आहे.

  समाजातील सर्व नवीन कुष्ठरुण शोधून त्या सर्व रुग्णांना नियमित व पूर्ण उपचार देऊन समाजातील संसर्गाची साखळी तुटल्यास समाजातील कुष्ठरुग्णांचा भार कमी होईल. याकरिता अतिसंवेदनशील भागामध्ये कुमुम शोध मोहिम राबविण्यात येत आहे.

  मोहिमेसाठी कोल्हापूर परिमंडळ अंतर्गत कोल्हापूर, सिंधुदुर्ग, रत्नागिरी व सांगली जिल्ह्यामध्ये कुष्ठमुक्त सुरक्षित महाराष्ट्र (कुसुम) शोध मोहीमेअंतर्गत विशेष पथके तयार करण्यात आली असून, पथकामध्ये आरोग्य कर्मचारी, आरोग्य सेविका, आशा स्वयंसेविका यांचा समावेश करण्यात आला आहे. पथकांद्वारे ग्रामीण, शहरी भागांमध्ये सर्व व्यक्तींची कुष्ठरोग विषयक शारीरिक तपासणी करण्यात येत असून नागरिकांनी तपासणी पथकास सहकार्य करून स्वतः ची तपसणी करून घ्यावी, असे आवाहन आरोग्य सेवा कोल्हापूर मंडळाचे उपसंचालक डॉ. दिलीप माने यांनी केले.

  🔹️कुसुम शोध मोहिमेअंतर्गत जिल्हानिहाय संवेदनशील ठिकाणे व कार्यरत पथके पुढीलप्रमाणे:-
  ▪️कोल्हापूर- एकूण संवेदनशील ठिकाणे 587, एकूण कार्यरत पथके 448.
  ▪️सांगली - एकूण संवेदनशील ठिकाणे 765, एकूण कार्यरत पथके 467.
  ▪️सिंधुदुर्ग - एकूण संवेदनशील ठिकाणे 559, एकूण कार्यरत पथके 111 .
  ▪️रत्नागिरी - संवेदनशील ठिकाणे 769 तर एकूण कार्यरत पथके 474 पथके कार्यरत राहणार आहेत.