कोल्हापूर :  जिवबा नानाजाधव पार्क परिसरातील 100 घरांचा आज महापालिकेच्या आरोग्य विभागामार्फत करण्यात आला आहे. या परिसरातील प्रथमेश घाटगे (वय 22) याचा दि.07 जून 2025 ताप आलेने त्याने प्राथमिक उपचाराकरीता खाजगी रुग्णालयामध्ये  तपासणी केली. यावेळी डॉक्टरांनी प्रथमेश घाटगे याला रक्ताची तपासणी करणेसाठी सांगितले. रक्ताची तपासणी केलेनंतर त्यांचा डेंग्युचा आयजीएम व आयजीजीचा अहवाल निगेटीव्ह आला. त्यामुळे सदर रुग्णाचा औषधोपचार ओपीडी बेसवर चालु होता.

 परंतु दि.09 जून रोजी रुग्ण प्रथमेश घाटगे हे डॉक्टरांकडे सलाईन लावणेसाठी गेले असता, त्यांना तेथे खुप थंडी वाजुन आली. त्यांतर त्यांनी रुग्णाला तात्काळ खाजगी हॉस्पीटल मध्ये दाखल केले आय.सी.यु.मध्ये  उपचारा सुरु असताना दि.10 जून  रोजी पहाटे 2 चे दरम्यान प्रथमेश घाटगे यांचा डेंग्यु सदृश्य आजाराने निधन झाले.

यामुळे महापालिकेने तातडीने आजुबाजुच्या परीसरातील 100 घरांचा सर्व्हे केला.  यामध्ये या परिसरातील 312 लोकांची तपासणी केली असता या ठिकाणी 7 तापाचे रुग्ण आढळून आले. या सर्व्हेमध्ये 207 कंटेनरची तपासणी कण्यात आली. यामध्ये 5 कंटेनर दुषित आढळून आल्याने ते कंटेनर रिकामे करण्यात आले. त्याचबरोबर 40 नागरीकांचे रक्तजल नमुने तपासणीठी घेण्यात आले. या परिसरामध्ये महापालिकेच्यावतीने धुरफवारणी व औषध फवारणी करण्यात आली आहे.