SMP News Network
SOCIAL MEDIA POWER
Register
Breaking : bolt
प्रशिक्षण काळातच पोलिसांचे समुपदेशन करा : आमदार सतेज पाटील; गांभीर्याने विचार करण्याचे गृहमंत्र्यांचे आश्वासननैसर्गिक आपत्तीमुळे नुकसान झालेल्या शेतकऱ्यांना कधी भरपाई देणार; आमदार सतेज पाटील यांचा सवाल गडहिंग्लज येथे मध्यवर्ती प्रशासकीय इमारतीसाठी पशुसंवर्धन विभागाने जागा उपलब्ध करून द्यावी : उपमुख्यमंत्री अजित पवारपन्हाळगड-पावनखिंड मोहीम १२ ते १४ जुलैलाकोल्हापूर : निर्जनस्थळी वृध्दाना मारहाण करुन जबरी चोरी करणारी टोळी जेरबंदआर्थिक विकासासाठी आर्थिक साक्षरता, शिस्त महत्त्वाची : कुलगुरू डॉ. डी.टी. शिर्केअंमलीपदार्थ तस्करीसंदर्भात ‘मकोका’ अंतर्गत कारवाई करण्यासाठी कायद्यात सुधारणा : मुख्यमंत्री देवेंद्र फडणवीसपोलिसांच्या अनुकंपा नियुक्त्यांचा निर्णय मिशन मोडवर राबविला जाणार : मुख्यमंत्री देवेंद्र फडणवीसडॉ. आलोक जत्राटकर यांच्या पुस्तकांचे ५ जुलै रोजी प्रकाशन; डॉ. अशोक चौसाळकर यांचे विशेष व्याख्यानडॉ. बापूजी साळुंखे इंजिनिअरिंग इन्स्टिट्यूट 'एक्सलंट' श्रेणीत; उत्कृष्ट शैक्षणिक गुणवत्तेवर मोहर

जाहिरात

 

गगनबावड्याच्या विकासासाठी सर्वोतपरी प्रयत्न करणार : खासदार छत्रपती शाहू महाराज

schedule10 Sep 24 person by visibility 525 categoryराजकीय

गगनबावडा : गगनबावडा तालुक्यातील रस्ते, शेती, पर्यटन आदि क्षेत्राच्या विकासासाठी खासदारकीच्या माध्यमातून सर्वोतपरी प्रयत्न करणार असल्याची ग्वाही खासदार छत्रपती शाहू महाराज यांनी दिली. असळज (ता.गगनबावडा) येथे गगनबावडा तालुका संपर्क दौ-यानिमित्त आयोजित कार्यक्रमात ते बोलत होते. कार्यक्रमास आमदार सतेज पाटील यांची प्रमुख उपस्थिती होती.

ते पुढे म्हणाले, ऐतिहासिक पार्श्वभूमी लाभलेला गगनबावडा तालुका निर्णायक तालुका आहे. राज्यात छत्रपती शिवाजी महाराजांचा होणारा अपमान महाराष्ट्रातील जनता कदापि सहन करणार नाही. लोकसभेत गगनबावड्यातून भरघोस मताधिक्य दिल्याबद्दल येथील जनतेचे आभार मानत आगामी काळात महाराष्ट्रात महाविकास आघाडीचे सरकार आणून परिवर्तन करुया असेही ते म्हणाले.

आमदार सतेज पाटील म्हणाले, "कारखान्याच्या माध्यमातून तालुक्यात आर्थिक समृध्दी आली. पालकमंत्री असताना गगनबावड्यासाठी कोट्यावधीचा निधी दिला असून आता आमदार असताना देखील जास्तीचा निधी देत तालुक्याच्या विकासाला गती दिली आहे. तालुक्याचा पर्यटन विकास, कळे-गगनबावडा मार्ग दुरुस्तीसाठी प्रयत्नशील आहे. आगामी काळात महाविकास आघाडीचे जास्तीत जास्त आमदार निवडून आणण्याचे आमचे प्रयत्न सुरु आहेत. गतवेळी स्व. आमदार पी. एन. पाटील यांच्यासाठी गगनबावड्याने ताकद दिली. आता पुन्हा राहुल पाटील यांचेसाठी ताकदीने काम करुया."

शिवसेनेचे संपर्कप्रमुख विजय देवणे, राष्ट्रवादी शरदचंद्र पवार पक्षाचे जिल्हाध्यक्ष व्ही. बी. पाटील, जिल्हा परिषदेचे माजी अध्यक्ष राहुल पाटील, गोकुळचे संचालक चेतन नरके, कारखान्याचे संचालक बजरंग पाटील, मानसिंग पाटील यांनी मनोगत व्यक्त केले. गगनबावडा तालुकावासियांच्यावतीने नूतन खासदार छत्रपती शाहू महाराज यांचा सत्कार करण्यात आला. 

कार्यक्रमास गोकुळचे संचालक बाळासाहेब खाडे, बयाजी शेळके, अनिल घाटगे, कारखान्याचे उपाध्यक्ष बी. डी. कोटकर, कारखान्याचे संचालक चंद्रकांत खानविलकर, संजय पडवळ, महादेव पडवळ, दत्तात्रय पाटणकर, अभय बोभाटे, रामचंद्र पाटील, सहदेव कांबळे, खंडेराव घाटगे, जयसिंग ठाणेकर, गुलाबराव चव्हाण, प्रभाकर तावडे, रविंद्र पाटील, तानाजी लांडगे, वैजयंती पाटील, उदय देसाई, पांडुरंग पडवळ, रामा जाधव, राष्ट्रवादी तालुकाध्यक्ष प्रकाश पाटील, शिवसेना उध्दव बाळासाहेब ठाकरे पक्षाचे तालुकाध्यक्ष सतीश पानारी, माजी जिल्हा परिषद सदस्य संभाजी पाटणकर, भगवान पाटील, बहुउद्देशीय संस्थेचे अध्यक्ष विलास पाटील, एम. जी. पाटील यांच्यासह तालुक्यातील महाविकास आघाडीचे पदाधिकारी उपस्थित होते. स्वागत व आभार गोकुळचे संचालक बयाजी शेळके यांनी मानले.

🟠 माजी आमदार चंद्रदीप नरके गटाच्या रावणवाडी (ता. गगनबावडा) येथील कार्यकर्त्यांनी यावेळी काँग्रेस पक्षात प्रवेश केला. उपस्थित मान्यवरांच्या हस्ते पुष्पगुच्छ देऊन त्यांचे स्वागत करण्यात आले.

जाहिरात

 
Copyright © 2025. All Rights Reserved by SMP News Network.
Designed & Developed by Adhvik go Online
JSON Output

    
Settings
Theme
themes