कोल्हापूर :  सन 2026 - 27 या वर्षाकरिता क्रीडा प्रबोधनी - कोल्हापूर विभागांतर्गत दिनांक 27 ते 29 एप्रिल या कालावधीमध्ये सांगली , सातारा व कोल्हापूर या ठिकाणी विविध खेळांच्या निवड चाचणीचे आयोजन करण्यात आले आहे .

    27 एप्रिल रोजी सातारा येथे शाहू जिल्हा क्रीडा संकुलात जलतरण,सायकलींग व बॅडमिंटन 28 एप्रिल रोजी छ.संभाजी महाराज विभागीय क्रीडा संकुल कोल्हापूर येथे हॉकी,शिवाजी विद्यापीठात - ॲथलेटिक्स आणि मेजर ध्यानचंद स्टेडियम येथे हॉकी तर 29 एप्रिल रोजी सांगली येथे दमाणी हायस्कूलमध्ये हँडबॉल व मिरज येथील क्रीडा संकुलामध्ये जुदो व जिम्नॅस्टिक चाचण्यांचे आयोजन करण्यात आले आहे .

  कोल्हापूर विभागातील सांगली सातारा कोल्हापूर रत्नागिरी  व सिंधुदुर्ग जिल्ह्यातील संस्था,खेळाडू, क्रीडा संस्था आणि एकविध क्रीडा संघटना यांनी आपल्या खेळाडूंना सदर चाचण्यांमध्ये सहभागी करावे.

अधिक माहितीसाठी जिल्हा क्रीडा अधिकारी कार्यालय - कोल्हापूर या ठिकाणी संपर्क करावा .निवड झालेल्या खेळाडूंना दैनंदिन प्रशिक्षण ,निवास ,भोजन ,शिक्षण व क्रीडा गणवेश आदी सुविधा शासनाद्वारे पुरविण्यात येणार असल्याची माहिती सुहास पाटील उपसंचालक क्रीडा व युवक सेवा-कोल्हापूर विभाग यांनी दिली.