SMP News Network
SOCIAL MEDIA POWER
Register
Breaking : bolt
‘ब्राह्मण बिझनेस फोरम’च्या वतीने ‘ब्रह्मउर्जा २०२५’ पुरस्कार वितरण उत्साहात !डॉ. अमृतकुवर रायजादे यांना ‘वूमन ऑफ पॅशन’ पुरस्कारडी. वाय. पाटील अभियांत्रिकीच्या दोघांना खेलो इंडियामध्ये कास्यपदकमहाराष्ट्र राज्य व्यापारी कृती समितीचा ५ डिसेंबर ला राज्यव्यापी व्यापार बंद; उद्या १ डिसेंबर रोजी कोल्हापूर जिल्हास्तरीय व्यापारी परिषदेचे आयोजनकेआयटी च्या वतीने स्टार्टअप उद्यमींसाठी ‘आस्क मी एनीथिंग’ चे आयोजन; केआयटीच्या आय.आर.एफ चा पुढाकारभारतरत्न डॉ. बाबासाहेब आंबेडकर यांच्या महापरिनिर्वाण दिनानिमित्त टूर सर्कीटचे आयोजन : पर्यटन मंत्री शंभूराज देसाईशैक्षणिक संस्थांनी विद्यार्थ्यांना शिक्षित, दीक्षित आणि योग्य नागरिक बनवावे : राज्यपाल आचार्य देवव्रतडी. वाय. पाटील कृषी व तंत्र विद्यापीठाला राष्ट्रीय स्तरावरील ‘बेस्ट क्लीन अँड ग्रीन कॅम्पस’ पुरस्कार वडगांव नगरपरिषद निवडणूकीच्या प्रचारार्थ आमदार डॉ.विनय कोरे यांची सभा; उमेदवारांना विजयी करण्याचे आवाहनपन्हाळा नगरपालिकेच्या निवडणुकीत भाजप, जनसुराज्य शक्ती युतीचे सर्व उमेदवार मोठ्या मताधिक्याने निवडून येतील : खासदार धनंजय महाडिक यांचा विश्‍वास

जाहिरात

 

डॉ. अमृतकुवर रायजादे यांना ‘वूमन ऑफ पॅशन’ पुरस्कार

schedule30 Nov 25 person by visibility 53 categoryराज्य

▪️ बेळगाव येथील आंतरराष्ट्रीय परिषदेत डी. वाय. पाटील फिजिओथेरपी कॉलेजचा गौरव
कोल्हापूर  : डी. वाय. पाटील कॉलेज ऑफ फिजिओथेरपी, कोल्हापूरच्या प्राचार्या डॉ. अमृतकुवर रायजादे यांना बेळगाव येथे पार पडलेल्या इंटरनॅशनल फिजिओथेरपी कॉन्फरन्समध्ये ‘वूमन ऑफ पॅशन (एंटरप्रेन्युरियल एक्सलन्स)’  पुरस्काराने सन्मानित करण्यात आले. 

केएलई विद्यापीठ, बेळगाव येथे इंटरनॅशनल फिजिओथेरपी कॉन्फरन्स ‘पर्ल फिजिओकॉन २०२५’आयोजित करण्यात आली होती.  ‘शेपिंग द फ्युचर : टेक्नोलॉजी ड्रीव्हन पेशंट केअर’ या विषयावर झालेल्या परिषदेत जगभरातील 1200 हून अधिक प्राध्यापक, विद्यार्थी सहभागी झाले होते. 

फिजिओथेरपी व्यवसायाप्रती असलेल्या वचनबद्धतेसाठी आणि शैक्षणिक नेतृत्वातील उत्कृष्टतेसाठी डॉ.  रायजादे यांना भारतीय क्रिकेट संघाच्या माजी कर्णधार डायना एडलजी व मान्यवरांच्या हस्ते ‘वूमन ऑफ पॅशन’ ने सन्मानित करण्यात आले. त्याचबरोबर  मॅन्युअल थेरपी सत्रासाठी पॅनेलिस्ट आणि व्हर्च्युअल रिअॅलिटी फॉर न्यूरोनल प्लास्टिसिटी या विषयावरील अतिथी व्याख्यानासाठी अध्यक्ष म्हणून त्यांना सन्मान देण्यात आला. 

यावेळी काहेरचे कुलपती डॉ. प्रभाकर कोरे, कर्नाटक राज्य सहयोगी आणि आरोग्य सेवा परिषदेचे अध्यक्ष डॉ. इफ्तिखार अली, केंद्र सरकारच्या जीओथेरपी व्यावसायिक परिषदेचे सदस्य डॉ. अली इराणी,  डॉ. व्हि.पी गुप्ता, डॉ. आशिष कक्कड, डॉ. केतन भाटीकर यांच्यासह मान्यवर उपस्थित होते.

यावेळी आयोजित विविध स्पर्धामध्ये महाविद्यालयाच्या प्राध्यापक आणि विद्यार्थ्यानी यश मिळवले.  यामध्ये डॉ. अदिती जाधव  यांनी  पीएचडी कॅटेगरी पेपर प्रेझेंटेशनमध्ये तृतीय क्रमांक प्राप्त केला. पेपर प्रेझेंटेशनमध्ये स्नेहा पाटील यांनी  (स्पोर्ट्स फिजिओथेरपी)  प्रथम क्रमांक,  रेवती चव्हाण (पेडियाट्रिक फिजिओथेरपी ) द्वितीय क्रमांक, हर्षिता पाटील(न्यूरो फिजिओथेरपी) द्वितीय क्रमांक, विनायक कुरळे (न्यूरो पिजी) प्रथम क्रमांक, सुनैना लाड (ओ.एम. टी पिजी ) प्रथम क्रमांक पटकावून महाविद्यालयाचा लौकिक वाढवला  आहे . 

प्राचार्या डॉ. अमृतकुवर रायजादे आणि सर्व सहकारी यांचे कुलपती डॉ. संजय डी. पाटील, संस्थेचे उपाध्यक्ष आमदार सतेज पाटील, विश्वस्त ऋतुराज पाटील, विश्वस्त पृथ्वीराज पाटील, कुलगुरू डॉ. राकेश कुमार शर्मा, कुलसचिव डॉ. व्ही. व्ही. भोसले यांनी अभिनंदन केले आहे.

जाहिरात

 
Copyright © 2025. All Rights Reserved by SMP News Network.
Designed & Developed by Adhvik go Online
JSON Output

    
Settings
Theme
themes