कोल्हापूर : जिल्ह्यातील दुसऱ्या महायुद्धाचे अनुदान घेत असलेल्या लाभार्थ्यांनी आपले हयातीचे दाखले दिनांक 31 मे पूर्वी स्वीकारण्याचे शासनाचे निर्देश आहेत. जिल्हा सैनिक कल्याण कार्यालयाकडे दाखले प्राप्त झालेल्या लाभार्थींच्या अनुदानाची मागणी शासनाकडे करण्यात येते. सर्व लाभार्थ्यांनी माहे 31 मे 2025 पूर्वी जिल्हा सैनिक कल्याण कार्यालय, शासकीय विश्रामगृह जवळ, लाईन बाजार रोड, कसबा बावडा, कोल्हापूर येथे zswo_kolhapur@maharashtra.gov.in  या ईमेल व्दारे जमा करावेत,  

असे आवाहन जिल्हा सैनिक कल्याण अधिकारी ले. कर्नल भिमसेन चवदार (निवृत्त) यांनी केले आहे.

  लाभार्थ्यांनी हयातीच्या दाखल्यासोबत आधार कार्ड, पॅन कार्ड, बँक पासबुकाचे पहिले पान व जिल्हा सैनिक कल्याण कार्यालयाकडून देण्यात आलेल्या ओळखपत्राची छायांकित प्रत जमा करावेत तसेच हयातीलचे दाखले जमा केल्यानंतर खात्री करण्यासाठी 0231-2665812 या दूरध्वनी क्रमांकावर संपर्क साधावा, प्रसिध्दी पत्रकाव्दारे कळविले आहे.