इचलकरंजी : डीकेटीईच्या टेक्स्टाईल ऍन्ड इंजिनिअरींग इन्स्टिटयूट, इचलकरंजी मधील मेकॅनिकल विभागातील टीम इनोव्हेटर्स संघातील विद्यार्थी प्रथमेश कदम, तुषार धुळूबुळू, विश्‍वराज पाटील व प्रथमेश शेंडगे यांनी राष्ट्रीय स्तरावरील आयोजित एसआरएम, आयएसटी, चेन्नई आयोजित प्रतिष्टित एसएई इंडिया सदर्न सेक्शन एनएलसीईडी २०२४ संपन्न झालेल्या इंजिनिअरींग डिझाईनमधील स्पर्धेत सहभाग घेवून चमकदार कामगिरी करुन देशपातळीवरील स्पर्धेत तृतीय क्रमांकाचे स्थान  पटकविले आहे.

विद्यार्थ्यांनी प्रा. जी. सी. मेकळके व प्रा. आर. डी. पाटील यांच्या मार्गदर्शनाखाली विषेश गरजा असलेल्या व्यक्तींसाठी सुलभता सुधारण्याच्या उददेशाने मायक्रो मोबिलिटी सोल्यूएशन डिझाईन याचे सादरीकरण केले. ही स्पर्धा चेन्नई येथील एसआरएम, आयएसटी, येथे संपन्न झाली या स्पर्धेमध्ये इन्व्होवेशन, नाविण्यपूर्ण डिझाईन आणि अभियांत्रिकी विद्यार्थ्यांच्याद्वारे वास्तविक जगातील अव्हानांवर उपाययोजना या संकल्पनेवर आधारित सादरीकरण करण्यात आले. या स्पर्धेत देशभरातील १०० हून अधिक अभियांत्रिकी महाविद्यालयांनी सहभाग घेतला होता. या पैकी टीम इनोव्हेटर्सने या स्पर्धेत तिसरा क्रमांक पटकविला.

या स्पर्धेमध्ये विद्यार्थ्यांनी नाविन्यपूर्ण कल्पना शोधल्या, उदयोजकीय कौशल्यांचा सन्मान केला आणि समविचारी व्यक्तींशी विविध विषयांवर उहापोह करण्यात आला याचा फायदा विद्यार्थ्यांना भविष्यातील शैक्षणिक क्षेत्रातील नाविन्यपूर्ण संशोधन करण्यास होणार आहे. डीकेटीई मध्ये उपलब्ध असलेली आयडिया लॅब, इन्व्होवेश आणि स्टार्ट अप कटटा तसेच डीकेटीईतील विविध अधुनिक लॅबमार्फत विद्यार्थ्यांना विविध संशोधनाचे मार्गदर्शन केले जाते यामुळे अशा स्पर्धेत यश प्राप्त करण्यासाठी विद्यार्थ्यांना या लॅबमधील सुविंधाचा लाभ होतो व देशापातळीवरील या स्पर्धेत आपली गुणवत्ता त्यांनी सिध्द केली.

संस्थेचे अध्यक्ष कल्लाप्पाण्णा आवाडे, उपाध्यक्ष आमदार प्रकाशआण्णा आवाडे, मानद सचिव डॉ सपना आवाडे, रवी आवाडे व सर्व विश्‍वस्त यांनी विद्यार्थ्यांच्या भावी कार्यास शुभेच्छा दिल्या. विद्यार्थ्यांना संस्थेच्या संचालिका प्रा.डॉ.सौ.एल.एस.आडमुठे, डे. डायरेक्टर डॉ यु.जे.पाटील, विभागप्रमुख डॉ व्ही. आर. नाईक यांचे मार्गदर्शन लाभले.