◼️प्रसाद जाधव यांच्या अध्यक्षतेखाली परिवहन समितीची सभा संपन्न

कोल्हापूर  : कोल्हापूर महानगरपालिकेच्या परिवहन समितीची सभा आज के.एम.टी. प्रधान कार्यालयातील सभागृहामध्ये बोलाविणेत आली होती.  परिवहन समितीचे सभापती सत्यजीत जाधव हे आजच्या सभेस उपस्थित नसलेने, उपस्थित सदस्यांमधून श्री.प्रसाद धनाजीराव जाधव यांची “चेअरमन फॉर दि मिटींग” म्हणून निवड करणेत आली, त्यानंतर सभेच्या कामकांज सुरुवात झाली.  विषयपत्रिकेवरील कंत्राटी चालक, कंत्राटी वाहक व कंत्राटी सुरक्षा जवान यांच्या कंत्राटी मुदतीमध्ये वाढ करणेस मान्यता देणेत आली.  माऊली चौक येथील के.एम.टी.साठी आरक्षीत जागेचा प्रश्न दुर्वास कदम यांनी यावेळी उपस्थित केला.  या जागेसंबंधी न्यायालयीन प्रकरणांची माहिती देणेत आली.  के.एम.टी. बस थांब्यावरील अनधिकृत प्रवासी वाहतुकीवर नियंत्रण आणणेसाठी सुरुवातीस महत्वाच्या बस थांब्यांवर पांढऱ्या रंगाचे पट्टे मारण्याच्या सुचना हेमंत आराध्ये यांनी दिल्या.  मार्गावरील बस संख्येमध्ये वाढ करणे, अवैध प्रवासी वाहतुकीवर नियंत्रण आणणे, उत्पन्नामध्ये वाढ करणे इ. बाबत बैठकीमध्ये चर्चा करणेत आली.

यावेळी परिवहन समिती सदस्य उमेश पोवार, रोहन अतिग्रे, श्रीधर गाडगीळ, संतोष लाड, प्रशांत मोरे, महेंद्र कोरडे, अक्षय शेळके आदि सदस्यांनी चर्चेत भाग घेतला. या बैठकीस अति.परिवहन व्यवस्थापक डॉ.विजय पाटील, नगरसचिव सुनिल बिद्रे, कायदा सल्लागार ॲड.मुकुंद पवार, वर्क्स मॅनेजर दिपक पाटील, प्रकल्प विभाग प्रमुख पी.एन. गुरव, लेखापाल राजेंद्र सुर्यवंशी, वाहतूक निरिक्षक नितीन पोवार तसेच के.एम.टी.चे अधिकारी उपस्थित होते.