▪️राज्य गुणवत्ता यादीत 10 तर जिल्हा गुणवत्ता यादीत 72 विद्यार्थ्यांची बाजी
▪️महानगरपालिका शाळेतील विद्यार्थ्यांचा शासकीय शिष्यवृत्ती परीक्षेत दबदबा कायम

कोल्हापूर  : महाराष्ट्र राज्य पूर्व उच्च प्राथमिक (इयत्ता 5 वी स्तर) आणि पूर्व माध्यमिक (इयत्ता 8 वी स्तर) शिष्यवृत्ती परीक्षा सन 2024-2025 या शैक्षणिक वर्षातील पूर्व उच्च प्राथमिक (इयत्ता 5 वी स्तर) आणि पूर्व माध्यमिक (इयत्ता 8 वी स्तर) शाळा शिष्यवृत्ती परीक्षेमध्ये महानगरपालिकेच्या शाळांतील राज्याच्या गुणवत्ता यादीत तसेच जिल्ह्याचे गुणवत्ता यादीमध्ये विद्यार्थ्यांनी उज्वल यश संपादन करुन महापालिकेच्या प्राथमिक शिक्षण समितीचे नांव लौकिक वाढविला आहे. कोल्हापूर महापालिकेच्या श्रीमती लक्ष्मीबाई कृ. जरग विद्यामंदिर मधील  स्वरा अरुण पाटील व  अद्वैत दिलीप पोवार या विद्यार्थीनींनी राज्याच्या गुणवत्ता यादीमध्ये संयुक्त पाचवा क्रमांक मिळवून गरुड भरारी घेतली आहे.

    प्रशासक के. मंजूलक्ष्मी यांची प्रेरणा महत्वपूर्ण ठरली असून उपआयुक्त कपिल जगताप, सहा.आयुक्त उज्वला शिंदे, तत्कालिन उपआयुक्त साधना पाटील, तत्कालिन प्रशासनाधिकारी आर. व्ही. कांबळे व प्रशासनाधिकारी डी.सी.कुंभार यांच्या मोलाच्या योगदानातून विद्यार्थ्यांसाठी नाविण्यपूर्ण उपक्रम राबविलेने महानगरपालिकेच्या शाळेकडे विद्यार्थी आकर्षित होवू लागले आहेत. शिष्यवृत्ती सराव चाचण्या, जादा तास, शाळा स्तरावर शिष्यवृत्तीच्या धर्तीवर मॉडेल पेपर तसेच महापालिकेच्या प्राथमिक शिक्षण समिती स्तरावरुन शिष्यवृत्ती परीक्षेत सहभागी होणाऱ्या विद्यार्थ्यांचा जास्तीत जास्त सराव व्हावा या उद्देशाने विशेष बाब म्हणून कोल्हापूर महापालिका शिष्यवृत्ती पॅटर्न पुस्तिकेचा वापर करुन विद्यार्थ्यांकडून सराव करुन घेण्यात येतो अशा विविध उपक्रमामूळे प्राथमिक शाळेतील विद्यार्थ्यांनी शासकीय शिष्यवृत्ती परीक्षेत आपला दबदबा कायम राखला आहे.

  सन 2024-2025 या शैक्षणिक वर्षात दि.9 फेब्रुवारी 2025 मध्ये घेण्यात आलेल्या पूर्व उच्च प्राथमिक (इयत्ता 5 वी स्तर) शासकीय शिष्यवृत्ती परीक्षेचा अंतिम निकाल दि.9 जुलै 2025 रोजी जाहीर झाला. या परीक्षेमध्ये 10 विद्यार्थ्यांनी राज्य गुणवत्ता यादीत यश प्राप्त केले आहे. यामध्ये कोल्हापूर महापालिकेच्या श्रीमती लक्ष्मीबाई कृ. जरग विद्यामंदिर कडील स्वरा अरुण पाटील (96%) हिने पाचवा क्रमांक, अद्वैत दिलीप पोवार (96%), संस्कार शहाजी पाटील (94.66%) यांनी सहावा क्रमांक, मधूरिमा भरतकुमार जाधव (94.66%), उत्कर्ष राजाराम प्रभूखानोलकर (92.66%) याचा आकरावा क्रमांक, शौर्य विशाल जाधव (92 %),  काव्या विशाल घोटणे व विराज सुनिल पवार (92 %) याचा बारावा क्रमांक, कोल्हापूर महापालिकेच्या पीएमश्री महात्मा फुले विद्यामंदिरच्या रौनक उत्तम वाईंगडे (93.33%) याचा नववा क्रमांक, ज्ञानदा दिपक चौगले (91.33) हिने चौदावा क्रमांक पटकाविला.

   याचप्रमाणे महाराष्ट्र राज्य पूर्व उच्च प्राथमिक (इयत्ता 5 वी स्तर) आणि पूर्व माध्यमिक (इयत्ता 8 वी स्तर) शिष्यवृत्ती परीक्षा सन 2024 - 2025, राज्य व जिल्हा गुणवत्ता यादीत यश संपादन करणाऱ्या शाळानिहाय व विद्यार्थी  समावेश आहे. यामध्ये कोल्हापूर महापालिकेच्या फक्त श्रीमती लक्ष्मीबाई कृ. जरग विद्यामंदिरकडील राज्य गुणवत्ता यादीत 8 व जिल्हा गुणवत्ता यादीत 44 विद्यार्थी आहेत. तर कोल्हापूर महापालिकेच्या पीएमश्री महात्मा फुले विद्यामंदिरच्या राज्य गुणवत्ता यादीत 2 व जिल्हा गुणवत्ता यादीत 7 विद्यार्थी आहेत. टेंबलाईवाडी विद्यामंदिरच्या जिल्हा गुणवत्ता यादीत 7 विद्यार्थी,  नेहरुनगर विद्यामंदिरच्या जिल्हा गुणवत्ता यादीत 4 विद्यार्थी, प्रिन्स शिवाजी विद्या मंदिरच्या जिल्हा गुणवत्ता यादीत 4 विद्यार्थी, भाऊसो महागांवकर विद्यालयाच्या जिल्हा गुणवत्ता यादीत 1 विद्यार्थी, आण्णासो शिंदे विद्यामंदिर व पी. बी. साळुंखे विद्यामंदिरचा जिल्हा गुणवत्ता यादीमध्ये प्रत्येकी 1 विद्यार्थी आहे. तसेच पूर्व माध्यमिक (इयत्ता 8 वी स्तर) मध्ये राजमाता जिजाबाई गर्ल्स हायस्कूलकडील जिल्हा गुणवत्ता यादीत 1 विद्यार्थीनी आहे. त्यामुळे कोल्हापूर महापालिकेच्या राज्य गुणवत्ता यादीत 10 व जिल्हा गुणवत्ता यादीत 73 विद्यार्थ्यांचा समावेश झाला आहेत.

  या सर्व शासकीय शिष्यवृत्ती परीक्षेमध्ये गरुड भरारी घेतलेल्या विद्यार्थी, मार्गदर्शक शिक्षक व मुख्याध्यापकांचे प्रशासक के.मंजूलक्ष्मी, उप-आयुक्त कपिल जगताप, सहा.आयुक्त उज्वला शिंदे, प्रशासनाधिकारी डी.सी.कुंभार यांनी हार्दिक अभिनंदन केले आहे.