कोल्हापूर : झोपडपट्टीधारकांचा प्रॉपर्टी कार्डचा प्रश्न मंत्रालयस्तरावर पाठपुरावा करून सोडविण्याचे माझे 'व्हिजन' असल्याचे जस्मिन जमादार यांनी सांगितले. प्रभाग क्रमांक १५ (ब) मधील नागरिकांचा मागास प्रवर्ग महिला गटातील महायुतीच्या भाजप उमेदवार म्हणून जस्मिन जमादार निवडणूक रिंगणात आहेत.

जस्मिन जमादार यांनी प्रभाग क्रमांक १५ (ब) मधील टाकाळा, टेंबलाई नाका रेल्वेफाटक, उड्डाणपूल वसाहतीसह परिसर मातंग ठिकठिकाणी मतदारांशी संवादावेळी त्यांनी ही ग्वाही दिली . त्यांनी झोपडपट्टीवासीयांच्या समस्याही जाणून घेतल्या. जस्मिन जमादार म्हणाल्या, सातत्याने पाठपुराव्यातून झोपडपट्टीधारकांना प्रॉपर्टी कार्ड मिळवून देऊन घराचे 'मालक' बनविण्यावर आपला भर राहील. प्रॉपर्टीकार्डचा प्रश्न आपल्या अजेंड्यावर प्राधान्याने असल्याचेही त्या म्हणाल्या. 

 जमादार म्हणाल्या, बराच काळ प्रलंबित असणारा हा प्रश्न सोडविणे अडचणीचे असले तरी सातत्याने प्रयत्न, पाठपुरावा केल्यास हा प्रश्न निश्चितच मार्गी लागेल. पालकमंत्री आबिटकर, वैद्यकीय प्रकाश शिक्षणमंत्री हसन मुश्रीफ, उच्च व तंत्रशिक्षण मंत्री चंद्रकांत पाटील राज्य नियोजनं मंडळाचे कार्यकारी अध्यक्ष आमदार राजेश क्षीरसागर यांच्या सहकायनि मंत्रालयात पाठपुरावा करून हा प्रश्न सोडविण्यास प्राधान्याने प्रयत्न केला जाणार आहे.

भाजप अल्पसंख्याक मोर्चाचे जिल्हाध्यक्ष आजम जमादार म्हणाले, झोपडपट्टीधारकांच्या प्रॉपर्टी कार्डबाबतची कागदपत्रे आणि प्रॉपर्टीकार्ड मागणीचा प्रस्ताव आपल्याकडे तयार आहेत.  हा प्रश्न सोडविणे हेच आमचे व्हिजन आहे. केवळ झोपडपट्टीधारकांना प्रॉपर्टीकार्ड मिळवून न देता घरकूल योजनेचा लाभ मिळवून देण्यावर आपला विशेष भर राहणार असल्याचे जमादार यांनी सांगितले. 

यावेळी सागर केंगारे, ओंमकार घाडगे, आकाश गायकवाड, हाजी शहानवाज शेख, प्रशांत अवघडे, सचिन घाडगे, फिरोज मुजावर, जहाँगिर जमादार यांच्यासह कार्यकर्ते उपस्थित होते.