कोल्हापूर : नि:पक्ष आणि निर्भीडपणे सर्वसामान्यांच्या प्रश्नांना वाचा फोडणाऱ्या, तसेच सर्व चांगल्या चळवळींचे निर्भीड मुखपत्र म्हणून वाचकप्रिय झालेल्या साप्ताहिक करवीर काशी ने आपल्या दमदार वाटचालीतील २४वर्षें पुर्ण केली आहेत.  १जानेवारी २०२४ रोजी रौप्यमहोत्सवी २५व्या वर्षात पदार्पण केले आहे. रौप्यमहोत्सवी वर्षात यशस्वी पदार्पण करणाऱ्या 'करवीर काशी'ला वाचक व वर्गणीदार यांनी आजपर्यंत नेहमीच लोकाश्रय दिला आहे. कोल्हापूरच्या सामाजिक, सांस्कृतिक क्षेत्रातील अनेक घटनांचा साक्षीदार राहिलेल्या करवीर काशी ने नेहमीच सडेतोड, निस्पृह व निर्भीडपणे लिखाण करून असंख्य वाचकांचा दुवा घेतला आहे.

 आजवर करवीर काशी च्या दिवाळी अंक व खास विशेषांकाचे महाराष्ट्रातील असंख्य वाचकांनी भरभरून स्वागत केले आहे. तर अनेक राज्यस्तरीय संस्थांनी पुरस्काराने गौरविण्यात आले आहे. ध्येयवादी व सामाजिक बांधिलकीची जाणीव ठेवत आजपर्यंत केलेल्या आदर्श अशा पत्रकारितेचा व प्रतिकूल परिस्थितीत सुरू झालेल्या करवीर काशी च्या वाटचालीचा असंख्य वाचकांनी प्रतिसाद देऊन 'करवीर काशी ' आणि 'वाचक' यांचा भावबंध जपत एकात्मता दाखवली आहे. 

     रौप्यमहोत्सवाकडे यशस्वी वाटचाल करणाऱ्या करवीर काशी च्या वर्धापन दिनानिमित्त अनेक वाचकांनी व्हाट्सअप, ट्विटरवर व पत्राद्वारे ही संस्थापक संपादक डॉ.सुनीलकुमार सरनाईक यांचे उत्स्फूर्तपणे अभिनंदन केले आहे.