भुदरगड तहसिल कार्यालयात सोमवारी लोकशाही दिनाचे आयोजन
schedule18 Jul 25 person by visibility 170 categoryराज्य
कोल्हापूर : प्रत्येक महिन्याच्या तिसऱ्या सोमवारी तालुका लोकशाही दिन साजरा करण्याबाबत शासन निर्णय आहे. या दिवशी नागरिकांना त्यांच्या विविध शासकीय तक्रारी, मागण्या व अडचणी संबंधित प्रशासकीय अधिका-यांसमोर मांडण्याची संधी मिळते. याअनुषंगाने तालुका प्रशासनामार्फत महिन्याच्या तिस-या सोमवारी सकाळी 11 वाजता तहसील कार्यालय, भुदरगड येथे लोकशाही दिन आयोजित करण्यात आला आहे.
नागरिकांनी आपल्या शासकीय कामकाजासंबंधी तक्रारी लेखी स्वरुपात दोन प्रतीत सादर कराव्यात, असे आवाहन भुदरगडच्या तहसिलदार डॉ. अर्चना पाटील यांनी केले आहे.
सर्वसामान्य नागरिक, विविध सामाजिक संस्था व ग्रामस्थांनी या उपक्रमात सक्रिय सहभाग घ्यावा. जेणेकरुन त्यांच्या समस्या थेट प्रशासनामार्फत पोहोचून वेळेत निवारण होऊ शकेल. शासनाचा हा उपक्रम पारदर्शकता, उत्तरदायित्व आणि लोकसहभाग वाढवण्यासाठी राबविण्यात येत आहे, असेही डॉ. अर्चना पाटील यांनी पत्रकाव्दारे कळविले आहे.
