कोल्हापूर जिल्हा नियोजन समितीची 23 जून रोजी सभा
schedule17 Jun 25 person by visibility 212 categoryराज्य
कोल्हापूर : जिल्हा नियोजन समितीची सभा सोमवार दिनांक 23 जून 2025 रोजी सकाळी 11.30 वाजता ताराराणी सभागृह, जिल्हाधिकारी कार्यालय, कोल्हापूर येथे सार्वजनिक आरोग्य व कुटुंब कल्याण मंत्री तथा पालकमंत्री प्रकाश आबिटकर यांच्या अध्यक्षतेखाली होणार आहे.
बैठकीस नगरविकास, परिवहन, सामाजिक न्याय, वैद्यकीय शिक्षण व अल्पसंख्याक विकास राज्यमंत्री तथा सह-पालकमंत्री माधुरी मिसाळ उपस्थित राहणार आहेत, अशी माहिती जिल्हाधिकारी व जिल्हा नियोजन समितीचे सदस्य सचिव अमोल येडगे यांनी दिली आहे.
या बैठकीत दिनांक 2 फेब्रुवारी 2025 रोजी आयोजित जिल्हा नियोजन समितीच्या बैठकीच्या इतिवृत्तास व इतिवृत्तावरील कार्यपूर्ती अहवालास मान्यता देणे, जिल्हा वार्षिक योजना सन 2024-25 अंतर्गत माहे मार्च 2025 अखेरच्या खर्चास मान्यता देणे, जिल्हा वार्षिक योजना सन 2025-26 मधील मंजूर नियतव्यय व आयत्या वेळचे विषय होणार आहेत.
