कोल्हापूर : रेकॉर्डवरील महीला गुन्हेगार यांच्या कब्जातुन २,१०,०००/- रु. किंमतीचा २७ ग्रॅम सोन्याचा धनहार जप्त करण्यात आला. ही कारवाई स्थानिक गुन्हे अन्वेषण शाखा, कोल्हापूरने केली.
महेश खोत व शुभम संकपाळ यांना त्यांचे गोपनीय बातमीदारा मार्फत माहिती मिळाली की, रेकॉर्डवरील महिला गुन्हेगार ज्योति उर्फ जोताबाई नामदेव पाटील (रा. जयसिगंपूर, ता. शिरोळ) यांनी वडगांव बाजार समिती, इचलकरंजी येथे महिलेच्या गळ्यातील सोन्याचा धनहार चोरला असुन त्या आज दि. २१/१०/२०२४ रोजी ताराराणी चौक, कोल्हापूर येथे चोरलेला सोन्याचा धनहार विकण्यासाठी येणार आहेत. अशी माहिती मिळालेने स्थानिक गुन्हे शाखेचे पोलीस उपनिरीक्षक शेष मोरे व पोलीस पथकाने ताराराणी चौक जवळ, कोल्हापूर येथे सापळा लावला असता जोताबाई पाटील ह्या हातात प्लस्टिकची पिशवी घेवुन येत असल्याच्या दिसुन आलेने त्यांना थांबवुन नाव पत्ता विचारला असता त्यानी त्यांचे नाव ज्योती उर्फ जोताबाई नामदेव पाटील (वय.६६, रा. संभाजीनगर, नांदणी रोड, लक्ष्मी नारायण हायस्कुल शेजारी, जयसिंगपूर, ता. शिरोळ, जि. कोल्हापूर) असे असल्याचे सांगितले. त्यांचेकडे गुन्ह्याचे अनुषंगाने तपास केला असता त्यांनी गुन्हा केलेचे कबुली देवुन त्यांचेकडून २७ ग्रॅम वजनाचा सोन्याचा दोनपदरी धनहार जप्त करून इचलकरंजी पोलीस ठाणे कडील दाखल चोरीचा गुन्हा उघडकीस आणला आहे. आरोपी महीलेस ताब्यात घेवुन जप्त मुद्देमालासह पुढील तपासकामी जयसिंगपूर पोलीस ठाणे यांचे ताब्यात देण्यात आले आहे.
ज्योती उर्फ जोताबाई नामदेव पाटील यांचेवर करवीर पोलीस ठाणे, देवरूख पोलीस ठाणे, जि. रत्नागिरी येथे चोरी व जबरी चोरीचे गुन्हे दाखल आहेत.
सदरची कारवाई पोलीस अधीक्षक महेंद्र पंडित यांचे मार्गदर्शनाखाली स्थानिक गुन्हे अन्वेषण शाखेचे पोलीस निरीक्षक रविंद्र कळमकर, पोलीस उपनिरीक्षक शेष मोरे, पोलीस अंमलदार महेश खोत, शुभम संकपाळ, संजय कुंभार, महेश पाटील, सुशिल पाटील, कृष्णात पिंगळे, अमित मर्दाने, महीला पोलीस अंमलदार धनश्री पाटील यांनी केली आहे.