कोल्हापूर : विधानसभा सार्वत्रिक निवडणूक-2024 अंतर्गत आजपासून नामनिर्देशनपत्र दाखल करण्यास सुरवात झाली आहे. आज पहिल्याच दिवशी जिल्ह्यातील दहा मतदासंघासाठी एकही नामनिर्देशनपत्र दाखल झालेले नाही, अशी माहिती उपजिल्हाधिकारी तथा उप जिल्हा निवडणूक अधिकारी समाधान शेंडगे यांनी दिली आहे.
▪️निवडणूक कार्यक्रम पुढीलप्रमाणे
निवडणूकीची अधिसूचना प्रसिध्द करण्याचा दिनांक 22 ऑक्टोबर 2024 (मंगळवार), नामनिर्देशन पत्रे सादर करण्याचा अंतिम दिनांक 29 ऑक्टोबर 2024 (मंगळवार), दुपारी 3 पर्यंत. नामनिर्देशन पत्रांची छाननी दिनांक. 30 ऑक्टोबर 2024 (बुधवार) सकाळी 11 वाजता. उमेदवारी अर्ज मागे घेण्याचा अंतिम दिनांक 4 नोव्हेंबर 2024 (सोमवार) दुपारी 3 वाजेपर्यंत.
निवडणूक चिन्ह वाटप दिनांक 4 नोव्हेंबर 2024 (सोमवार) दुपारी 3 नंतर. मतदानाचा दिनांक 20 नोव्हेंबर 2024 (बुधवार) (सकाळी 7 ते सायंकाळी 6 वाजेपर्यंत). मतमोजणी व निकाल जाहीर करण्याचा दिनांक 23 नोव्हेंबर 2024 (सकाळी 8 पासून ते संपेपर्यंत)