कोल्हापूर  : हिंगोली येथील फरार आरोपीस पकडून त्याचे व त्याचे साथीदाराकडून आंतरजिल्ह्यातील चोरीच्या 5,00,000/- रु किंमतीच्या एकूण 08 मोटर सायकली जप्त करण्यात आल्या. ही कारवाई स्थानिक गुन्हे अन्वेषण कोल्हापूर शाखेने केली.  

 तपास करीत असताना पोलीस अमंलदार अमोल कोळेकर व सुरेश पाटील यांना खात्रीशिर गोपनीय माहिती मिळाली की, सनी गायकवाड, रा. धाराशीव, ता. जि. धाराशीव याने व त्याचे साथीदारांनी मिळुन स्लेंडर मोटर सायकल चोरली आहे व ते सध्या अतिग्रे ते इचलकरंजी जाणारे रोडलगत असले हॉटेल रॉयल इन वाडा येथे आहेत. मिळाले माहितीचे अनुषंगाने पोलीस निरीक्षक  रविंद्र कळमकर यांचे मार्गदर्शनाप्रमाणे पोलीस उपनिरीक्षक  शेष मोरे यांचे तपास पथकाने दि. 15.05.2025 रोजी अतिग्रे येथील हॉटेल रॉयल इन वाडा चे समोरील बाजूस सापळा लावून एकूण तीन इसमांना ताब्यात घेतले. त्यांना नांव पत्ते विचारता त्यानी त्यांची नांवे 01) सनी महावीर गायकवाड, व.व.20, रा. भीमनगर धाराशीव, ता. जि. धाराशीव, 02) गोविंद महादेव सायगुंडे, व.व.30, रा. संत कबीरनगर वांगीरोड परभणी, सध्या रा. युनिट नं.04 व्यंकटेश्वरा पार्क गडमुडशिंगी, ता. करवीर, जि. कोल्हापूर व त्यांचा अल्पवयीन एक साथीदार अशी असलेची सांगीतली.  गोविंद महादेव सायगुंडे याचेविरुध्द शेणगांव पोलीस ठाणे, जिल्हा-हिंगोली येथे गु.र.नं.374/2024, बी. एन. एस. 140 (3), 115(2), 49,189(2), 191(2),191(3), 190 सह आर्म अॅक्ट कलम-4 व 25 प्रमाणे दाखल गुन्ह्यात गेले एक वर्षापासून फरार असलेचे समजले. त्यांचेकडे अधिक चौकशी केली असता त्यांचे कब्जात असलेली स्प्लेंडर मोटर सायकल ही चोरीची असून सदर बाबत जुना राजवाडा पोलीस ठाण्यात गुन्हा दाखल असलेची माहिती मिळाली.  अधिक तपास केला असता कोल्हापूर, पंढरपूर, धाराशिव व सोलापूर जिल्ह्यातून वेगवेगळ्या ठिकाणावरुन आणखीन मोटर सायकल चोरलेची त्यांनी कबुली देवून चोरलेल्या मोटर सायकली आरोपी गोविंद सायगुंडे, रा. परभणी सध्या रा. गडमुडशिंगी याने ठेवलेचे सांगीतले. आरोपी गोविंद महादेव सायगुंडे, रा. संत कबीरनगर वांगीरोड परभणी, सध्या रा. युनिट नं. 04 व्यंकटेश्वरा पार्क गडमुडशिंगी, ता. करवीर, जि. कोल्हापूर याचे माहितीने आणखीन चोरीच्या 07 मोटर सायकली जप्त केल्या आहेत. नमुद आरोपीकडुन चोरीच्या गुन्ह्यातील एकूण 5,00,000/- रुपये किंमतीच्या 08 मोटर सायकली हस्तगत केल्या आहेत.

आरोपी सनी महावीर गायकवाड, गोविंद महादेव सायगुंडे व अल्पवयीन बालक यांना पुढील तपासकामी जुना राजवाडा पोलीस ठाणेकडील पोलीसांचे ताब्यात दिले आहेत.

सदरची कारवाई  पोलीस अधीक्षक, महेंद्र पंडित यांचे मार्गदर्शनाखाली स्थानिक गुन्हे अन्वेषण शाखेचे पोलीस निरीक्षक रविंद्र कळमकर, पोलीस उपनिरीक्षक  शेष मोरे, पोलीस अंमलदार अमोल कोळेकर, सुरेश पाटील, रामचंद्र कोळी, रुपेश माने, विनोद कांबळे, संजय पडवळ, सुशिल पाटील व राजेंद्र वरंडेकर यांनी केली आहे.