कोल्हापूर : इचलकरंजी येथील अपक्ष आमदार प्रकाश आवाडे तसेच माजी जि. प. सदस्य डॉ. राहुल आवाडे यांचा आज बुधवारी २५ रोजी भारतीय जनता पार्टीमध्ये प्रवेश निश्चित झाला आहे.
केंद्रीय गृह मंत्री तथा - सहकार मंत्री अमित शहा हे बुधवारी कोल्हापूर दौऱ्यावर येत आहेत. शहा यांच्या उपस्थितीत आवाडे पिता-पुत्र भाजपामध्ये जाहीर प्रवेश करणार आहेत. २५ सप्टेंबर रोजी सायंकाळी ५ वाजता कोल्हापूर येथील महासैनिक दरबार हॉल येथे भाजप पदाधिकारी यांचा मेळावा होत आहे.
गेल्या काही दिवसांपासून आवाडे यांचा भाजपामधील पक्षप्रवेश काही कारणास्तव रखडला होता. अखेर आवाडे याचा भाजपा प्रवेश होत आहे या कार्यक्रमास मोठ्या संख्येने आवाडे समर्थक सहभागी होणार आहेत.